Néi Trikoen fir t'Walfer Hären

FOP Group Fiduciaire, en extrem staarke PARTNER wéisst sech richteg generéis vis-à-vis vum RSR WALFER.

Sämtlech Hären-Equipen (i.e: 60 Spiller) vum RSR WALFER kréien nei Trikote.

Passend zur Eröffnung vun der neier Saison 2014/2015 woren t'Trikoten fir t'éischt Equipe prett, gesponsert vun eisen treien Supporter, der Famill Nelly an Thierry Bichel, stellvertriedend fir t' "FOP Group Fiduciaire". Gären ënnerstëtzen si ëmmer erëm den Walfer Volleyball (mir erënneren, virun 4 Joer - all Meedercher Equipen, lescht Saison hu si den Meedercher hir CEV Challenge Tenuen geschenkt) mat dem sie an hir Firma sech gären identifizéieren. Engagement, den Wëllen Eppes zu stanen ze bréngen, Equipe- an Gemeinschaftsgeescht an dat an engem familiären Ëmfeld si Valeur déi si schätzen an fir déi t'Nelly an den Thierry mat hirer Firma an Mataarbechter sech all Daag nei asetzen.

Am éischten Match géint den absoluten Favorit vun dëser Saison - Strossen-, sollten t'Gesiichter an deenen néien Trikoten ëfters zum Strahlen kommen. Zur Zäit nach eng Nummer ze grouss fir Walfe, konnt en richteg gutt Usetz erkennen .... Méi demnächst op der Facebooksäit vum RSR Walfer, like eis Säit a gitt elo schonn e bëssi stöberen ....

An deenen nächsten Deeg wäerten dann och eis 2, 3 an 4 Equip hiren Saatz Trikoten kréien an dann kann perfekt gekleet op allen Niveauen gekätscht gi.

Am Numm vun alle Spiller, dem Walfer Comité, kuerz der ganzer Walfer Volley Family en ganz groussen an härzlechen MERCI un FOP Group Fiduciaire, dem Nelly an Thierry Bichel. Fir all är Fiduciaire Aarbechten stin sie Iech selbstverständlech mat professionnellem Know-How zur Séit. Zeckt net a meldt Iech bei hinnen.